"പത്തു കല്പനകള്‍" : ഫേസ്ബുക്കിന്റെ കണ്കണ്ട ദൈവമായ മാര്‍ക്ക്‌ സുക്കര്‍ബര്‍ഗിനു കടവുള്‍ നേരിട്ട് പറഞ്ഞു കൊടുത്ത കല്‍പനകളാണിവ.
ദൈവത്തിനു പറ്റിയ "തെറ്റ് " തിരുത്തുന്ന സുക്കര്‍ബര്‍ഗിനെ എന്ത് പറയണം ?
1. സുക്കര്‍ബര്‍ഗ് അരുളിച്ചെയ്ത വചനങ്ങളാണിവ : അടിമത്തത്തിന്റെ ഭവനമായ ഓര്‍ക്കുട്ടില്‍ നിന്ന് നിന്നെ പുറത്തു കൊണ്ടുവന്ന ഞാനാണ് നിന്റെ ദൈവമായ സുക്കര്‍ബര്‍ഗ് . ഞാനല്ലാതെ വേറെ ദേവന്മാര്‍ നിനക്കുണ്ടാകരുത് .
2. മുകളില്‍ ഫേക്ക്ഫോട്ടോ ഇടുകയോ താഴെ സ്റ്റാറ്റസോ അതിനടിയിലെ ലൈക്കോ അതെ പോലുള്ള ഒന്നിന്റേയും സ്പാം സൈറ്റോ പ്രോക്സിയോ പ്രതിമയോ സ്വരൂപമോ നീ നിര്‍മ്മിക്കരുത് ; അവയ്ക്ക് മുന്‍പില്‍ പ്രണമിക്കുകയോ അവയെ ആരാധിക്കുകയോ ചെയ്യരുത് .എന്തെന്നാല്‍, ഞാന്‍, നിന്റെ ദൈവമായ സുക്കര്‍ബര്‍ഗ്, അസഹിഷ്ണുവായ ദൈവമാണ് . എന്നെ വെറുക്കുന്ന ഫേക്കുകളുടെ കുറ്റങ്ങള്‍ക്ക് അവരുടെ മക്കളെ മൂന്നും നാലും തലമുറ വരെ ഞാന്‍ ശിക്ഷിക്കും. എന്നാല്‍, എന്നെ സ്നേഹിക്കുകയും എന്റെ കല്പനകള്‍ പാലിക്കുകയും ചെയ്യുന്നവരോട് ആയിരമായിരം പ്രൊഫൈല്‍ ഐടികള്‍ ഉണ്ടാക്കാനും ലൈക്ക്‌ പേജുകള്‍ തുറക്കാനും വരെ ഞാന്‍ എന്റെ സ്ഥലം തന്നു കരുണ കാണിക്കും.
3. ദൈവമായ ഞാന്‍ സുക്കര്‍ബര്‍ഗിന്റെ പേരില്‍ ഫേക്ക് ഐഡിയോ ഗ്രൂപ്പോ തുടങ്ങരുത് . തന്റെ നാമം വൃഥാ ഉപയോഗിക്കുന്നവനെ ഞാന്‍ ശിക്ഷിക്കാതെ വിടുകയില്ല.
4. ആപ്പ്‌ ഡേയെ വിശുദ്ധ ദിനമായി ആചരിക്കണമെന്ന് ഓര്‍മിക്കുക. ആറു ദിവസം നീ ഓഫീസില്‍ ചെന്ന് ഫേസ്ബുക്കില്‍ ഇരുന്നു അധ്വാനിക്കുക ,എല്ലാ ഊടയിപ്പു ജോലികളും ചെയ്യുക. എന്നാല്‍ ഏഴാം ദിവസം നിന്റെ ദൈവമായ സുക്കര്‍ബര്‍ഗിന്റെ ആപ്പ്‌ ഡേയാണ് . അന്ന് നീയോ നിന്റെ ഫേക്കോ മകളോ ദാസനോ ദാസിയോ നിന്റെ മൃഗങ്ങളോ നിന്നോടൊത്തു വസിക്കുന്ന പരദേശിയോ ഒരു വേലയും ചെയ്യരുത് (മൊബൈലില്‍ പോലും ലോഗ്ഇന്‍ ചെയ്യരുത് ). അങ്ങനെ നീയൊക്കെ ആപ്പ്‌ ദിനത്തെ അനുഗ്രഹിക്കുകയും വിശുദ്ധീകരിക്കുകയും ചെയ്യണം.
5. ദൈവമായ ഞാന്‍ തരുന്ന ഈ ഫേസ്ബുക്ക് രാജ്യത്തു ദീര്‍ഘകാലം ജീവിച്ചിരിക്കേണ്ടതിന് നിന്റെ പിതാവിനെയും മാതാവിനെയും ഒക്കെ റിലേഷന്‍ സ്റ്റാറ്റസ് അപ്ഡേറ്റ് ചെയ്തു ബഹുമാനിക്കുക.
6. കൊല്ലരുത് : ഒരു ദ്രോഹവും ചെയ്യാത്തവന് / അവള്‍ക്ക് ഇട്ടു വെറുതെ സ്പാം / ബ്ലോക്ക്‌ അടിക്കരുത് .
7. പെണ്ണുങ്ങളുടെ പോസ്ടിനോ ഫോട്ടോയ്ക്കോ പോയി വേണ്ടാത്ത കമന്റ് ചെയ്യരുത്. ( ചുമ്മാ പോക്ക് ചെയ്യരുത് )
8. മോഷ്ടിക്കരുത് ( വല്ലവന്റെയും ഫോട്ടോയോ പോസ്ടോ അടിച്ചു മാറ്റി സ്വന്തം പേരിലിടരുത് )
9. മ്യൂച്ചല്‍ ഫ്രണ്ട്സിന് വേണ്ടി വ്യാജ സാക്ഷ്യം നല്‍കരുത്. സ്വന്തം ഫേക്ക് ഐഡി ഉണ്ടാക്കി മാന്യമായി ജീവിക്കുക.
10. ഫ്രണ്ട്സിന്റെ പ്രൊഫൈല്‍ (ഭവനം) മോഹിക്കരുത് ; ഫ്രണ്ട്സിന്റെ ഭാര്യയെയോ ഭര്‍ത്താവിനെയോ മോളെയോ കാളയെയോ കഴുതയേയോ അവന്റെ മറ്റെന്തെങ്കിലുമോ മോഹിക്കരുത്
==============================
ഇനിയാണ് ഫേസ്ബുക്ക് തങ്ങളുടെ ഒറിജിനല്‍ മുഖം കാണിക്കുന്നത് !
ഫേസ്ബുക്ക് വിശ്വാസികളെ പഠിപ്പിക്കുന്ന 10 കല്പനകള്‍ ശ്രദ്ധിച്ചു നോക്കൂ ....
(ഇതൊന്നും പഠിച്ചില്ലെങ്കില്‍ വിവാഹം കഴിക്കാന്‍ ബുദ്ധിമുട്ടും !)
==============================
ഫേസ്ബുക്കിന്റെ 10 കല്പനകള്‍ :
1. നിന്റെ കര്‍ത്താവായ ദൈവംസുക്കര്‍ബര്‍ഗ് ആകുന്നു. ഞാനല്ലാതെ മറ്റൊരു ദൈവം നിനക്കുണ്ടാകരുത്.
2. എന്റെ പേര്‍ ഉടുത് വച്ച് ഫേക്ക് ഉണ്ടാക്കി കളിക്കരുത്.
3. ആപ്പ്‌ ഡേ പരിശുദ്ധമായി ആചരിക്കണം
4. സഹ പ്രോഫൈലുകളെ ബഹുമാനിക്കണം
5. ആര്‍ക്കും ഇട്ട് പണിയരുത്
6. വ്യഭിചാരം ചെയ്യരുത്. (അശ്ലീലം കാണിക്കരുത് / അപ്പ്‌ ലോഡ്‌ ചെയ്യരുത് )
7. മോഷ്ടിക്കരുത്. ( വല്ലവന്റെയും ഫോട്ടോയോ പോസ്ടോ അടിച്ചു മാറ്റി സ്വന്തം പേരിലിടരുത് )
8. കള്ളസാക്ഷി പറയരുത് (ഫേക്ക് ഐഡി ഉണ്ടാക്കി പിടിക്കപ്പെട്ടാല്‍ കിടന്നു ഉരുളരുത് )
9. അന്യന്റെ പ്രൊഫൈലിലെ റിലേഷന്‍ (ഭാര്യയെ) മോഹിക്കരുത്.
10. അന്യന്റെ വസ്തുക്കള്‍ (സ്റ്റാറ്റസ്, പേജ്, പ്രൊഫൈല്‍ ഫോട്ടോസ്, ഫ്രണ്ട്സിന്റെ എണ്ണം) എന്നിവ ഒന്നും മോഹിക്കരുത്.
How to post comments?: Click here Eng Or മലയാളം
